ماي ايجي فوكس
اهلا وسهلا بكم في منتدي ماي ايجي فوكس


افلام العاب كارتون برامج اخبار الفن مقاطع اليوت يوب مصارعة هوايات مواقف وطرائف عالم الاسرة الرجل الشرقي
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

نرحب بكم في منتديات عالم الرومانسية

 


أفضل مشرف في المنتدى:
بيـــ،،،،،ـكا$ملااك الحــ،،،ــب


لاضافة إعلان في منتديات اسير المشاعروبسعر منخفض الرجاء الاتصال بنا

شاطر | 
 

 القصة المشهد الاول

اذهب الى الأسفل 
كاتب الموضوعرسالة
ADMIN_BEKAAA
Admin
avatar

عدد المساهمات : 95
نقاط : 260
تاريخ التسجيل : 25/01/2010

مُساهمةموضوع: القصة المشهد الاول   الإثنين مارس 29, 2010 12:30 am

بسم الله الرحمن الرحيم

المشهد الاول

شقة طارق .. قاعد بيقرا الجرنال ويكلم نفسه

طارق : شركة كويتية مصرية تطلب مدوبين مبيعات بمرتبات مجزية + عمولة ، شركة استثمارية كبرى تطلب شباب حديث التخرج من الجنسين ، مندوبين ، امن : سواقين كله يشترط خبره لكن الى منغير خبره لازم يلف فى الشوارع ويطلع عينه زى المتسولين وفى الاخر برضو بياخد ملاليم امال الواحد

طارق: وعليكم السلام 00 اتفضل مالك يابنى مفهمتش منك حاجة فى التليفون

على : يابنى انت معندكش تليفزون مشفوفتش الى بيحصل ولا ايه ..طيب بص على اول صفحة فى الجرنال الى فى ايدك حتى شوف العالم حوليك بيحص فيه ايه من باب الفضول حتى .

طارق : ايه الى هيحصل جديد مهو كل يوم زى الى قبله تصريحات ومفاوضات سلام واجتماعات وحوادث مفيش جديد

على : طيب وهو ده شوية يابنى متشوف العرب الى زيك بيحصلهم ايه

طارق : ياعم وانا هعملهم ايه يعنى حتى لو شفت خلينى فى الوظيفة الى بدور عليها من ساعة ماتخرجت وفى الاسعار الى ذادت وازمة السكن والله الواحد معارف هيعمل ايه بعد كده وتقولى بص للدول العربية متبص انت لحالك وتقولى عملت ايه من ساعت متخرجت من سنتين لحد دلوقتى وبتصرف على نفسك ازاى وبطل تبقى ثورجى ده مش هيجبلك غير مشاكل والعمر بيجرى خليك فى الى يفيدك يابنى شفلك وسطة ولا سفرية تعمل منها حاجة لنفسك ولاهلك

على : مهو الى انا بعمله ده من خوفى على اهلى يا طارق

طارق: ازاى بقى وهما اهلك عارفين انك بتطلع مظاهرات وبتقعد من ناس بتتكلم فى السياسة وممكن مرة وحدة تروح مترجعش تانى ؟

على : اهلى مش هم الى فى البيت وبس يا طارق .. اهلى هما الى بيموتو كل يوم فى فلسطين و فى العراق وفى سوريا وفى لبنان وفى كل مكان فيه ظلم وفيه كلمة حق الكل خايف ينطقها ليروح ميرجعش ..

طارق : يا على بطل الثورجية والحماس ده وخليك تعمل حاجة تنفعك بدل ما ترجع تندم ولا انتعمرك ماهتتغير .. من سنين وانت بتروح مظاهرات وتحضر ندوات وفى الاخر انت ايه دلوقتى .. تقدر تقولى انت بتشتغل ايه وشغلتك بتوفرلك الى يكفيك ولا بتخليك من يوم 5 فى الشهر مش لاقى مصريفك

على : مين قال انى مبدورش على شغل ومش خايف على مستقبلى بالعكس بس الخوف ده بنساه كل لما بسمع او بشوف بطل فى ايده حجر واقف قدام دبابات ورصاص مستعمرين بيحتله بلاده .. مستقبلى بشوفه فى دمعة كل ام على ابنها او بنتها اندبح قدامها ومعرفتش تنقذه مستقبلى فى كل صرخة مظلوم بيستنجد باخواته يرفعو الظلم عنه ومحدش حاسس بيه وكل بيقول وانا هعمل ايه

طارق : وانت فى ايدك تعملهم ايه بقى ؟؟!!

على : ........( مش عارف يرد ومتاثر من كتر الحماس )

طارق : احمد ربنا انك مش فى فلسطين ولا العراق احمد ربنا انك فى مصر بعيد عن الدبح والقتل ده احمد ربنا انك مصرى

على : ومين قالك انى مصرى بس انا فلسطينى وعراقى ولبنانى وسورى ..انا جنسيتى هى جنسية كل ضعيف اخدو منه ارضه وقتلو اهله ظلم او طمع ..

طارق : طيب بس بقى وكفايا كلام كله حماس وممنوش فايدة

على : انت الى عشان بتفكر فى مشاكلك بس مش شايف مشاكل غيرك ... كل الى بتحلم بيه عيشة مرتاحة وشوية فلوس وعربية وبس غيرك مش مهم

طارق : هو انا يا اعمل مظاهرات وابقى ثورجى يا اما ابقى انانى ومبفكرش غير فى نفسى


*** يدخل عمر مبتسم .

عمر : فى ايه يا شباب صوتكم عالى كده ليه انتو بتتخنقو ولا ايه

على : لا انا مبنتخنقش ولا حاجة بس بفهمه ان مشاكل مش هى الى تستاهل كل الاحباط والعزلة الى هو فيها دى وان فى مشاكل فى العالم اكتر بكتير

عمر : ايه ياعم طارق صحيح مش باين ليه ومحبط ليه فى ايه يعنى كل ده عشان الوظيفة يعنى ؟

طارق : يابنى انت وهو الموضوع اكبر من مجرد وظيفة ومرتب .. دى حياتى مستقبلى كيانى

على : طيب الاحباط ده مش يفيدك بالعكس ده هيخلى الياس يعميك عن كل حاجة ادخل غير هدومك ووضب نفسك كده وتعالى ننزل شوية نقعد فى الهوا

عمر : ايوة يا طارق قوم يلا اغسل وشك و والبس وتعالى ننزل وسيب احباطك هنا متجبوش معاك

طارق : نروح فين ؟؟

عمر : تعالى هظبطكم فى خروجة من الاخر

على : لا يا عم احنا هننزل نقعد على القهوة شوية الله الغنى عن خروجاتك المشبوهة دى

طارق : اه هى القهوة وابعدنا عن خروجاتك دى بس تعالى اقعد معانا شوية وبعدين اخرج

عمر : طيب .. ادخل غير يلا يا طارق



.............................................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shbab7day.yoo7.com
 
القصة المشهد الاول
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ماي ايجي فوكس :: الاقسام العامة :: الملتـــقى العـــام-
انتقل الى: