ماي ايجي فوكس
اهلا وسهلا بكم في منتدي ماي ايجي فوكس


افلام العاب كارتون برامج اخبار الفن مقاطع اليوت يوب مصارعة هوايات مواقف وطرائف عالم الاسرة الرجل الشرقي
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

نرحب بكم في منتديات عالم الرومانسية

 


أفضل مشرف في المنتدى:
بيـــ،،،،،ـكا$ملااك الحــ،،،ــب


لاضافة إعلان في منتديات اسير المشاعروبسعر منخفض الرجاء الاتصال بنا

شاطر | 
 

 القصة المشهد الثاني

اذهب الى الأسفل 
كاتب الموضوعرسالة
ADMIN_BEKAAA
Admin
avatar

عدد المساهمات : 95
نقاط : 260
تاريخ التسجيل : 25/01/2010

مُساهمةموضوع: القصة المشهد الثاني   الإثنين مارس 29, 2010 12:31 am


المشهد التانى

طارق وعلى وعمر قاعدين على القهوة ...

عمر : فى ايه بقى يا طارق بقالك كام يوم حابس نفسك فى البيت ومحدش بيشوفك ولا بيسمع صوتك ليه

طارق : مخنوق والله يا عمر وحاسس انى حتى مش عايز اخرج بره باب البيت ولا اكلم حد

عمر : ليه يابنى انت مش بدور على شغل على النت وفى الجرايد وبتعمل مقابلات

طارق :زهقت لما ملقتش الى بدور عليه

عمر : طيب متنزل اى حاجة مؤقتا تاخد فيها خبره وبعدين تشوف حاجة احسن

طارق : ياريتها جت على الخبرة بس ... دول طالبين لغات وكمبيوتر ومهارات انا مش عارف اشتغل عشان اصرف على نفسى ولا اصرف على نفسى الاول عشان اشتغل

عمر : قريب هتشتغل وهتقبى الدنيا حلوة معاك.. متقلقش

طارق : امتى بقى ؟

على : متستعجلش على نفسك وبص على الامثلة الى حوليك بلادكبيرة بانو اقتصادهم وهما كنو مدمرين بعد حروب بس عشان فى عندهم ارادة قدرو يوصلو ويخلو العالم كله يحترمهم ودلوقتى بقو من اقوى الدول فى العالم

عمر : عندك حق احنا تقريبا كل الى بنستخدمه بقى استيراد

على : وده مش معنه ان منتجتنا اقل جودة وقريب هتشوفو ا

عمر : هتفضل تحلم كده طول عمرك

على : ليه بقى ؟؟

عمر : هو ايه الى ليه متقول حاجة يا طارق

طارق : اقول ايه بس انتو بتتكلمو فى ايه دلوقتى

عمر : طيب سيبكو بقى من السيرة دى فرفش كده ياعم طارق محدش واخد منها حاجة افردها

طارق : افردها ايه بس وهو ايه الى يخلينى اضحك وانبسط فى الظروف الى احنا فيها دى

عمر : ( ساخر ) الى انت فيها لوحدك انا عن نفسى مش محبط ولاكئيب زيك

طارق : وانت من امتى بتبقى محبط ولا كئيب ولا بتشيل هم لحاجة ولا بتفكر فى حاجة الى زيك يا عمر عايش عشان مزاجه وبس خروج وفسح وضحك ومالوش دعوة بالعالم الى احنا عايشين فيه

عمر : طيب وانا فى ايدى ايه اعمله ومعملتوش... على ايدك من اول ما اتخرجت وكنت بدور على شغل زيك بس زهقت وبصراحة كفايا بهدلة


طارق : يابنى انت مش حاسس انك كده بضيع نفسك دانتا اتخرجت بالعافية وكمان تقديرك مقبول

عمر : وهو انت فاكر انى مبسوط كده ؟؟

.. ( سكوت لمدة قصيرة وعلامات الحزن على وجه عمر والنظر بعيد )

عمر : ايوة انا بخرج وبضحك بس انا كل يوم وانا لوحدى بفكر فى حياتى وبسال نفسى هى دى الحياة الى انا عايزها ؟؟
هى دى الحياة الى انا اتعلمت واهلى صرفو عليا دم قلبهم عشان اعيشها .. اوعى تفتكر يا على ان الى فى استعمار فى ارضهم هما دول بس الى مبيحسوش بامان ولا بيجلهم نوم على الاقل دول عارفين السبب الى مبيخليهمش مطمنين.

على : وهو فى خوف اكتر من كده من وجهة نظرك ؟

عمر : ايوة فى خوف اكبر.. الخوف من بكرة مخبيلك ايه!!..لما تكون حاسس ان حياتك مش هى حياتك و خايف تغمض عينك وتفتحها تلقى الحياة الى مش عجباك دى اختفت وانت متكتف وخايف من المجهول الى مخبهولك الزمن والى هيحصلك بكرة عرفت ليه انا بضحك على طول يا طارق عشان خايف بكرة ملقيش الضحكة دى تانى

صمت للحظات من الجميع

عمر..( مبتسم) : بقولكم ايه غيرو السيرة دى وجرابو تيجو معايا مرة وتنسو كل الى بتفكرو فيه ده الحياة فيها حاجات تستاهل اننا نعيشها وننبسط عشنها

طارق : لا انا ماليش فى الخروجات بتعتك مش الجو بتاعى

على : وانا كمان اعفينى
عمر : على راحتكم يا شباب بس حاولو تنبسطوشويةالحياة مش شغل وبس

طارق : شغل ؟؟! وهو فين الشغل الى بتتكلم عليه ده .. بقول ايه انا هطلع عشان اشوف الجرنال يمكن القى وظيفة تناسبنى سلام ..( طارق مبتعد)

عمر : وانا كمان هقوم الحق المعاد الى ورايا لحسن اتاخرت اوى ..سلام يا على

على : ( محدث نفسه ) اكيد ليها حل بس محتاج شوية تفكير ..( ( يشرب من الكوباية بقين عشان خالد السجينى ينبسط)) ...............


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shbab7day.yoo7.com
 
القصة المشهد الثاني
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ماي ايجي فوكس :: الاقسام العامة :: الملتـــقى العـــام-
انتقل الى: