ADMIN_BEKAAA
Admin
عدد المساهمات : 95
نقاط : 260
تاريخ التسجيل : 25/01/2010
 |  موضوع: القصةة الجزء الرابع  الإثنين مارس 29, 2010 12:27 am | |
|
| المشهد الرابع
عمر : يه يا شباب دى 3 شركة نروح ويقولولنا خلاص الاعلان خلص وانهم كملو الهيكل الوظيفى او وهيتصلو بينا لما يحتاجو شباب تانى ؟
طارق : ياعمر اصبر شوية احنا لسه فى الاول لازم نتعب شوية فى الموضوع مش سهل
عمر : لا انا كده خلاص هروح انا تعبت
على : فى ايه يا عمر لسه فى شركات هنروحها هتمشى ليه
عمر : عشان تعبت وشكلها كده مفيش حد هيشغلنا
طارق: تعالى بس يا عمر وبلاش تبقى متشائم كده مش معقول كل الشركات دى مش هيشغلونا
عمر : خلاص انتو خليكم متفائلين و دورو ولما تلاقو شركة تقبلكم قولولى هاروح ااقدم ورقى فيها ... يلا انا هروح واشوفكم بعدين
على : انت ياعمر مش هاين عاليك تتعب شوية عشان مستقبلك ولا ايه كفايا مانت بتروح تلف عشان تروح موعيدك وخروجاتك اتعب شوية كمان
عمر : انت فكرتنى يا على الحق اروح مشوار قبل ما اروح بقولكم ايه متيجو معايا وندوور بعدين
على : لا يا عمر انسى مشويرك وتعالى معانا مفيش حد هينفعك بعد كده
طارق : على عنده حق يا عمر اتعب دلوقتى عشان تستريح بعدين ويلا تعالى معانا
عمر : لا انا تعبت وانت مش عايزين تيجو معايا برحتكم .. سلام
طارق : وبعدين يا على هنعمل ايه
على : هنكمل طبعا الى اتفقنا عليه ولا تعبت انت كمان
طارق : لا طبعا بس عمر هنسيبو كده
على : طيب هنعملو ايه لو هو مش عايز يجى ..تعالى ولما نلقى شركة ونقبل فيها نكلمو يروح يقدم فيها
طارق : ماشى يلا بينا
*************************
على القهوة
طارق بضيق وعصبية ) وبعدين يا على بقالنا اكتر من اسبوعين بندور ومش لاقيين اى وظايف
على : لا يا على متعملش زى عمر احنا قولنا الموضوع مش سهل من الاول وهنتعب
طارق : وهنفضل نتعب لحد امتى انا زهقت
على : طيب انت عجباك القاعدة فى البيت ..على الاقل احنا كده بنعمل الى علينا
طارق : ولحد امتى هندور انا تعبت
على : انا عارف انك ابتديت تتشائم بس الحياة مش عايزة كده يا طارق الحياة عايزة الصبر
طارق : عندك حق .. طيب انت عارف هنروح فين بكرة
على : اه عارف زى ماحنا متفقين
طارق : طيب يلا بينا عشان هنصحى بدرى
**********************
على : انا خلاص يا طارق تعبت بقالنا كتير بندور ومفيش فايدة
طارق : عندك حق شكلنا كده بندور بطريقة غلط
على : لا احنا مش بندور غلط احنا بندور صح
طارق : امال ليه مشتغلناش لحد دلوقتى ..
على : مش عارف الغلط فين يا طارق ..انا مبقتش عارف هنروح فين تانى احنا دورنا فى كل مكان
طارق : طيب والعمل لازم يكون فى حل
على : مفيش غير حل اخير
طارق: ايه هو قول بسرعة
على: نروح للمسئولين نقولهم يشغلونا هو ده من شغلهم برضو
طارق : عندك حق يلا بينا
****************
طارق : ايه الى بيحصلنا د يا على انا عمرى مكنت اتخيل انى ابقى فى الموقف ده
على : ايه يا طارق انت عملها مشكلة ليه عادى يعنى احنا مش اول او اخر ناس يقولولنا فلان مش فاضى او روحو دورو على شغل شركات كتير طالبة شباب
طارق : ونسيت اننا اطردنا 3 مرات واخر مرة قالولنا لو ممشتوش من قدام الوزارة هبلغ البوليس ..هى اخرتها نتحبس عشان بندور على حد يسمعنا
على : يا طارق انا بصراحة مبقتش عارف ايه الحل
طارق بس انا عارف الحل
على : ايه هو يا طارق
طارق : نبطل ندور على شغل ونقعد فى بيوتنا
على : انت شايف ان ده حل مناسب عايز تبقى زى عمر
طارق : وماله عمر مهو مبسوط ومشترى دماغه وبعدين النتيجة وحدة فى الاخر محدش فينا اشتغل..بس احنا بنتعب على الفاضى
على : انا بصراحة لو كنت اعرف ان ده هيبقى حالنا كنت اتعلمت اى صانعة بدل الجامعة والتعليم الى اتعلمته
طارق : على الاقل كنا هنبقى شغالين ومستقرين
على : انت عارف يا طارق احنا محتاجين ايه بجد دلوقتى
طارق : ايه
على : ناخد راحة من التدوير على شغل وبعدين نبقى ندور تعالى نروح فى اى مكان اهو نغير جو ولعصبية الى احنا فيها تخف شوية
طارق : عندك حق فعلا احنا محتاجين راحة بس هنروح فين انا مش معايا فلوس كفايا للسفر
على : ولا انا كمان طيب حتى دى مش هنقدر نعملها ولا ايه
طارق : ( مبتسم ) بمتيجى نكلم عمر نشوفه فين هو مش كان بيتحايل علينا عشان نخرج معه
على : لا يا طارق بلاش نعمل زيه انت عارف هو بيعمل ايه كويس
طارق : وايه يعنى اهو تغيير ولا انت خايف
على : لا وانا هخاف ليه استنى تصل بيهاشوفه فين .... الو ..ايوة يا عمر انت فين ..طيب انا وطارق عايزين نخرج معاك .. خلاص هنقبلك كمان ساعة
****
عمر : ( يضحك ويسخر من طارق وعلى ) اخير كبرتو دمغكم من الوظيفة والمسئولين الى هيسمعوكم ويشغلوكم ..
طارق : اسكت يا عمر متفكرنيش احنا تعبنا ولفينا على الفاضى واتبهدلنا واطردنا
على : انسى بقى يا طارق ..ها يا عمر هنروح فين
عمر ( ضاحك ) متسالوش هنروح فين بس وعد منى انكم هتنسو كل الى فات ده وهتبقو مبسوطين اوى ومش هتبطلو خروج معايا
طارق : طيب يلا عشان نلحق نرجع بدرى
عمر : ( ضاحك ) لالالالا يا عم طارق مفيش حاجة اسمهل نرجع بدرى دى
على : اه احنا عايزوين ننسى كل الى فات يا عمر يلا بينا
طارق : عندك حق هيحصل ايه يعنى يلا
عمر : يلا بينا
النهاية
|
| |
|
