قول يا زمنن

طب كنت قوللي يازمن
إن الأمان مالهوش تمن
وان الخيانة , كتييير أوي
مِـتْـلَوِّنـه..
واخْدَه البَيَاض أرض وْ وطن
خبيت عليا وسبتني
وبْفطرِتي/
انا كنت فاكر إنها
ورده جميلة..هضمها
لكنها كَت جذع شر
ظلمتها..!
باينَّها..حرباية واحدة بـ مِيِت قناع
واحد حزين..واتنين دموع/والسم خفة دمَّها
طب كنت قوللي يازمن
أو كنت علمني الحياة
علمني إن القسوة ممكن تختفي
والطِيِبَة هايش عـ الوشوش
وان البشر..يوم لما افوق / مابيرحموش
علمني لما ابني حياة.واطلع لـ فوق
وارسم حدودي مع السحاب
واكتب أمل على كل باب
إني أحط فـ خطتي لحظة هروب
من غول هـ يهدم دنيتي
أو أبني كوخ
ضيق صحيح
لكن أمان
لما الديدان
تكبر وصوتها يكون فَحيح
آه يازمن
لو كنت قلت
أنا كنت عشت وما انكِسِر..ولا اشوف هوان